
Härzlech wiukomme i mim Onlineshop.
Äs Hobby mit Lideschaft, Begeisterig und Fröid.
Aues isch Handgmacht, mit Liebi und natürlech mit Ware us dr Region.
Lueg ine und la di la inspiriere, äs wird dr gfaue :-)
Überne Rückmäudig vo dir uf steffis-mitbringsu.ch, zur Site oder zu de Produkt, würdimi sehr freue.
Hantlechi und sehr praktischi Täsche zum Ichoufe.
Die Täsche het Hänkle wo genau die richtegi lengi hei. Obse ir Hand wosch träge oder ar Schultere spiut ke Rolle. Sie macht beide Orte ä gueti Figur.
Wese nid oder nümme bruchsch, chaschse ganz eifach zämelegge und mitem Gummizug zumene hantleche chline Seckli mache wo überall häre chasch verstoue.
Und was ou no praktisch isch. Sött si einisch dräckig wärde, chaschse eifach wösche und si isch parat füre nächscht Isatz.
Wieso nid mau öpperem anstatt ä Frässchorb ä Verpflegigstäsche schänke?
Überne Rückmäudig vo dir zum Produkt oder ou zur Site uf steffis-mitbringsu.ch würdimi freue.
I due für's Läbe gärn Bastle, Näie und Lisme.
Mit mine säuber gmachte Sache bini normalerwis uf Dorfmärite oder Weihnachtsmärite ds finde. Aber wie so bi vilne andere ou, hetmer die aktuelli Situation ä Strich dür d Rächnig gmacht.
Da momentan weder Dorfmärite no schüsch irgend welchi Verastaltige stattfinde woni mini säubergmachte Sache cha usstelle, hani beschlosse, dr Wäg is Internet ds beschritte.
Mini ganze Sache woni da due abiete si handgmachti Einzustück woni i mire Freizit mit viu Fröid und Spass due härstelle.
Geits dir nid ou so; du wirsch zu Fründe oder Bekannte zum Geburtstag, zur Wiehnachte oder ou eifach schüsch zum Ässe iglade und du weisch nie was söusch mitbringe?
De hani hie genau ds richtige für Di. Verschideni handgemachti, einzigartegi Mitbringsu wo si sicher no nid hei und wo ihne ganz sicher wärde Fröid mache.