
Härzlech wiukomme i mim Onlineshop.
Äs Hobby mit Lideschaft, Begeisterig und Fröid.
Aues isch Handgmacht, mit Liebi und natürlech mit Ware us dr Region.
Lueg ine und la di la inspiriere, äs wird dr gfaue :-)
Überne Rückmäudig vo dir uf steffis-mitbringsu.ch, zur Site oder zu de Produkt, würdimi sehr freue.
!!!MASKE MIT STIU!!!
...wenn scho mit Maske, de ou mit Stiu :-)
Ab sofort gits bi mir richtig cooli, stäilischi und bequemi Stoffmaskene. Ob farbig, mit Muster oder uni, mit dene Maskene gsehsch immer guet us. Si schützt auso nid nume, si gseht ou guet us.
Einwägmaskene göh schnäu kaputt, müssen ständig gwächslet und furtgschosse wärde. När rütschesi immer entwänder zu de Ouge ufe oder de unger d Nase. Vo bequem weimer gar nid rede... irgendeinisch nach lengerem trage hetme ds Gfüehl, "itze gheie mir de gad d Ohre ab".
Hie d Lösig: Die Maskene si bequem, düre Nasebügu isch dr Tragekomfort optimal und ds Schnufe isch ou kes Problem. Säubscht denn nid, wemese dr ganz Tag mues anne ha. Du gsehsch, ob im Verchouf schaffisch oder ob eifach Maskene bruchsch für ga ds Kömerle, die Maskene si für Aui und für jedi Glägeheit.
D Maskene si us zwe Lagene Boumwullestoff und zwe Lagene Maskevlies. Da bringsch nideamu äs Zundhöuzli mit blase us. Si isch widerverändbar und ganz eifach ir Wöschmaschine ds Wäsche.
Überne Rückmäudig vo dir zum Produkt oder ou zur Site uf steffis-mitbringsu.ch würdimi freue.
I due für's Läbe gärn Bastle, Näie und Lisme.
Mit mine säuber gmachte Sache bini normalerwis uf Dorfmärite oder Weihnachtsmärite ds finde. Aber wie so bi vilne andere ou, hetmer die aktuelli Situation ä Strich dür d Rächnig gmacht.
Da momentan weder Dorfmärite no schüsch irgend welchi Verastaltige stattfinde woni mini säubergmachte Sache cha usstelle, hani beschlosse, dr Wäg is Internet ds beschritte.
Mini ganze Sache woni da due abiete si handgmachti Einzustück woni i mire Freizit mit viu Fröid und Spass due härstelle.
Geits dir nid ou so; du wirsch zu Fründe oder Bekannte zum Geburtstag, zur Wiehnachte oder ou eifach schüsch zum Ässe iglade und du weisch nie was söusch mitbringe?
De hani hie genau ds richtige für Di. Verschideni handgemachti, einzigartegi Mitbringsu wo si sicher no nid hei und wo ihne ganz sicher wärde Fröid mache.