
Härzlech wiukomme i mim Onlineshop.
Äs Hobby mit Lideschaft, Begeisterig und Fröid.
Aues isch Handgmacht, mit Liebi und natürlech mit Ware us dr Region.
Lueg ine und la di la inspiriere, äs wird dr gfaue :-)
Überne Rückmäudig vo dir uf steffis-mitbringsu.ch, zur Site oder zu de Produkt, würdimi sehr freue.
Dä Shopper Maxi isch äs richtigs Isatzwunder. Geisch ga kömmerle und äs mues chli meh si, de nimmsch dr Shopper Maxi. Geisch id Stadt ga Shoppe und hesch grosses vor, ou da; nimm dr Shopper Maxi mit. Geisch ds Bsuech und bringsch öppis mit (zum Schänke hets ganz viu uf mire Site) de chasch mitem Shopper Maxi ohni Problem dini Gschänkli mitnäh.
Ja dä Shopper Maxi het ganz vili Vorteile und isch äs richtigs Isatzwunder. Und was het dä Shopper Maxi fürne Vorteil gägenüber normale Ichoufstäschene oder ou Handtäschli? Mi chanäh mehrmals bruche, är gseht guet us und brucht weni bis gar ke Platz.
Auso wär wott scho nid mau einisch mit somene Shopper Maxi unger d Lüt.
Überne Rückmäudig vo dir zum Produkt oder ou zur Site uf steffis-mitbringsu.ch würdimi freue.
I due für's Läbe gärn Bastle, Näie und Lisme.
Mit mine säuber gmachte Sache bini normalerwis uf Dorfmärite oder Weihnachtsmärite ds finde. Aber wie so bi vilne andere ou, hetmer die aktuelli Situation ä Strich dür d Rächnig gmacht.
Da momentan weder Dorfmärite no schüsch irgend welchi Verastaltige stattfinde woni mini säubergmachte Sache cha usstelle, hani beschlosse, dr Wäg is Internet ds beschritte.
Mini ganze Sache woni da due abiete si handgmachti Einzustück woni i mire Freizit mit viu Fröid und Spass due härstelle.
Geits dir nid ou so; du wirsch zu Fründe oder Bekannte zum Geburtstag, zur Wiehnachte oder ou eifach schüsch zum Ässe iglade und du weisch nie was söusch mitbringe?
De hani hie genau ds richtige für Di. Verschideni handgemachti, einzigartegi Mitbringsu wo si sicher no nid hei und wo ihne ganz sicher wärde Fröid mache.