
Härzlech wiukomme i mim Onlineshop.
Äs Hobby mit Lideschaft, Begeisterig und Fröid.
Aues isch Handgmacht, mit Liebi und natürlech mit Ware us dr Region.
Lueg ine und la di la inspiriere, äs wird dr gfaue :-)
Überne Rückmäudig vo dir uf steffis-mitbringsu.ch, zur Site oder zu de Produkt, würdimi sehr freue.
Ja was si äch itze Schnupftruckli?
Ganz eifach. Isches dir no nie passiert, das äs Päckli Naselümpli hesch drbi gha und wo ds Päckli wosch uftue fürs erschte use ds näh, risster afange mau d Lasche ab. Ab sofort isch garantiert jedes Naselümpli dräckig oder nass. Aus wär das noni gnue, fusle d Naselümpli ou no dr ganz Hosesack oder d Täsche vou.
Das Schnupftruckli verhinderet genau das. Du chasch dis Päckli Naselümpli dert dri tue, chasch bequem eis nachem andere usenäh und si wärde weder dräckig no nass.
Und uf aus ufe gsehsch no absolut stylisch us dermit.
Überne Rückmäudig vo dir zum Produkt oder ou zur Site uf steffis-mitbringsu.ch würdimi freue.
I due für's Läbe gärn Bastle, Näie und Lisme.
Mit mine säuber gmachte Sache bini normalerwis uf Dorfmärite oder Weihnachtsmärite ds finde. Aber wie so bi vilne andere ou, hetmer die aktuelli Situation ä Strich dür d Rächnig gmacht.
Da momentan weder Dorfmärite no schüsch irgend welchi Verastaltige stattfinde woni mini säubergmachte Sache cha usstelle, hani beschlosse, dr Wäg is Internet ds beschritte.
Mini ganze Sache woni da due abiete si handgmachti Einzustück woni i mire Freizit mit viu Fröid und Spass due härstelle.
Geits dir nid ou so; du wirsch zu Fründe oder Bekannte zum Geburtstag, zur Wiehnachte oder ou eifach schüsch zum Ässe iglade und du weisch nie was söusch mitbringe?
De hani hie genau ds richtige für Di. Verschideni handgemachti, einzigartegi Mitbringsu wo si sicher no nid hei und wo ihne ganz sicher wärde Fröid mache.